2018-04-15 09:20:22 | CRI | Komenti juaj | Printoni |
Këshilli i Sigurimit i Kombeve të Bashkuara nuk arriti të miratojë dot të shtunën një rezolutë që kërkonte ndërprerjen e menjëhershme të operacioneve ushtarake të udhëhequra nga Shtetet e Bashkuara në Siri.
Projektrezoluta e paraqitur nga Rusia, që kërkonte gjithashtu dënimin zyrtar të goditjeve ushtarake nga ShBA-ja, Franca dhe Britania, mori vetëm tre vota pro nga 15 të tilla.
Presidenti rus Vladimir Putin i ka përshkruar sulmet ajrore mbi objektet e ndryshme të qeverisë siriane të shtunën si "një akt agresioni", duke thënë se ato do të përkeqësonin gjendjen humanitare në Siri.
Sekretari i Përgjithshëm i OKB-së Antonio Guterres u ka bërë thirrje të gjitha palëve të përfshira të respektojnë Kartën e Kombeve të Bashkuara dhe të drejtën ndërkombëtare.
Sulmet e udhëhequra nga Shtetet e Bashkuara në Siri nisën në kohën kur presidenti amerikan Donald Trump njoftoi vendimin e administratës së tij për të ndëshkuar qeverinë siriane për përdorimin e dyshuar të armëve kimike në fillim të këtij muaji.