2018-04-13 09:55:41 | CRI | Komenti juaj | Printoni |
Shtëpia e Bardhë po merr në konsideratë kthimin në Traktatin e Partneritetit të Trans-Paqësorit (TPP), nga i cili presidenti Donald Trump njoftoi tërheqjen e ShBA-së vitin e kaluar.
Senatori republikan Ben Sasse u shpreh se Trump-i ka udhëzuar Përfaqësuesin Tregtar Robert Lighthizer dhe drejtorin e Këshillit Ekonomik Kombëtar Larry Kudlow që të studiojnë mundësinë e kthimit në këtë marrëveshje tregtare nëse kushtet janë të favorshme.
"Me siguri do të jetë një lajm i mirë për tërë vendin. Dhe kështu duke punuar me këta dy zotërinj, ata do të jenë në kontakt me anëtarët e komitetit të Dhomës së Përfaqësuesve dhe të Senatit," tha Ben Sasse.
Vetë Shtëpia e Bardhë nuk ka bërë ende asnjë njoftim për këtë çështje.
Trump-i e nxori ShBA-në nga Traktati i Partneritetit të Trans-Paqësorit (TPP) vitin e kaluar, duke mbajtur një premtim elektoral.
Më herët këtë vit, 11 vendet e mbetura në traktat, si Japonia, Kanadaja etj., njoftuan arritjen e një marrëveshje alternative pa ShBA-në. (Fani/Leftion Peristeri)