2018-04-12 11:08:07 | CRI | Komenti juaj | Printoni |
Vetëm këmbëngulja në dialog do t'i zgjidhë konfliktet tregtare, ndërsa masat e autoriteteve amerikane do të minojnë sistemin e tregtisë shumëpalëshe.
Analistët theksojnë në të njëjtën kohë se kur proteksionizmi i ShBA-së dëmton partnerët tregtarë dhe vetë ShBA-ja do të ekspozohet ndaj kostove më të larta.
Drejtori i Institutit Global të Hulumtimit Canon të Japonisë, Kiyoyuki Seguchi, thotë se veprimet e qeverisë amerikane janë "një vendim i gabuar". Në periudhën afatshkurtër, proteksionizmi tregtar do të rrisë presionin ndaj konsumatorëve dhe do të shtojë kostot e ndërmarrjeve.
Në një periudhë afatmesme, thotë Seguchi, proteksionizmi tregtar do të dobësojë forcën konkurruese të ndërmarrjeve amerikane e bile do të sjellë dobësim ekonomik në të gjithë botë.
Seguchi shton se rreth 70 për qind e produkteve të Kinës që importohen nga ShBA-ja viejnë nga ndërmarrjet amerikane në Kinë. "Kur qeveria amerikane të rrisë taksat e importit, vetë ndërmarrjet amerikane do të pësojnë goditjen më të madhe dhe më të drejtpërdrejtë," thekson eksperti.
Në një artikull të botuar nga gazeta gjermane "Business Daily" theksohet se nga zbatimi i politikave proteksioniste, qeveria amerikane do të mësojë vetëm një njohuri bazë të tregtisë së jashtme, domethënë, kostot e larta të sjella nga taksat doganore do të paguhen në fund nga ndërmarrjet dhe konsumatorët amerikanë.
Kryetari i Unionit të Investimeve arabe Jamal Bayam tha se ShBA-ja ka një histori të gjatë proteksionizmi tregtar dhe Konferenca e Tregtisë dhe e Zhvillimit të OKB-së e ka akuzuar ShBA-në për ekzagjerimin e çështjeve të dumpingut dhe të shkeljes së pronësisë intelektuale. (Du)