2018-03-13 19:02:29 | CRI | Komenti juaj | Printoni |
Të dhënat zyrtare tregojnë se në përfundim të 40 ditëve të fluksit të udhëtimeve me rastin e Festës së Pranverës të Kinës, udhëtimet e pasagjerëve gjatë pushimeve të këtyre ditëve arritën në 2.97 miliardë.
Trafiku është në thelb i njëjtë, krahasuar me atë të vitit të kaluar, njoftoi ministria e Transportit.
Sistemi i transportit vihet në provë pikërisht gjatë fluksit vjetor të udhëtimeve që bëhen gjatë Vitit të Ri Hënor kur një numër i madh personash udhëtojnë për të festuar sa më pranë familjarëve e miqve të tyre.
Për të përballuar trafikun në rritje, transporti hekurudhor, rrugor dhe ajror i Kinës ka vënë në në shërbim të pasagjerëve më shumë mjete transporti.
Sipas anketave të palëve të treta, 74.8 përqind e udhëtarëve ishin të kënaqur ose panë përmirësime të transportit këtë vit, duke u rritur me 3.8 pikë përqindjeje nga viti i kaluar. (Haris)