2018-01-15 17:13:21 | CRI | Komenti juaj | Printoni |
Panda e parë foshnjë e lindur në Francë bëri paraqitjen e vet të parë publike të shtunën në kopshtin zoologjik "Beauval" në jug të Parisit.
Panda katërmuajshe quhet Yuan Meng, që në gjuhën kineze do të thotë "realizimi i ëndrrës".
Ceremonia e pagëzimit të Yuan Meng-ut ishte një moment i rëndësishëm diplomatik, ku morën pjesë Zonja e Parë e Francës Brigitte Macron dhe zyrtarë kinezë, duke përfshirë edhe zëvendësministrin e Jashtëm Zhang Yesui, i cili udhëtoi nga Pekini për këtë rast.
Brigitte Macron, e konsideruar si "kumbara" e pandës, shpalli zyrtarisht emrin.
Lindja e pandave është diçka që ndiqet me interes, sepse ato mbeten kafshë të rralla. Në Kinë ka vetëm rreth 1 800 panda në natyrë dhe afro 400 në zooparqe.