"Apple" kërkon falje për ngadalësimin e funksionimit të "iPhone"-ave

2017-12-29 20:36:12 CRI Komenti juaj Printoni

Kompania amerikane "Apple" ka kërkuar falje për vendimin e saj për të ngadalësuar me qëllim funksionimin e telefonave të vjetër, me qëllim për të mbrojtur baterinë.

Ndërkohë, kompania tha se do ta ulë me 50 dollarë zëvendësimin e baterisë së "iPhone"-ave vitin e ardhshëm, duke e bërë koston 29 dollarë për "iPhone 6" që nga fundi i janarit të vitit të ardhshëm.

Një përditësim i softuerit në fillim të vitit të ardhshëm do t'u japë përdoruesve më shumë njohuri për jetën e baterisë.

Gjigandi i teknologjisë e pranoi javën e kaluar se ka përdorur përditësime softuerike për të kufizuar punën e "iPhone"-ave të vjetër që mund të kenë probleme të baterisë, që mund të bënin që ata të fikeshin papritur.

Një gjë e tillë solli kritika masive në mbarë botën.

Mrekulli
Lajmet Kryesore