2017-12-12 10:25:00 | CRI | Komenti juaj | Printoni |
Presidenti rus Vladimir Putin tha të hënën nga baza ajrore "Hmeymim" në Siri se ai ka dhënë urdhër që trupat ruse të fillojnë të tërhiqen nga Siria.
Një zyrtar i qeverisë siriane bëri të ditur se Putini mbërriti në bazën ajrore "Hmeymim" në provincën Latakia të Sirisë po atë ditë. Numri një i Kremlinit u takua në këtë bazë me homologun e vet sirian Bashar Assad, si edhe vizitoi trupat e dislokuara aty.
Putini tha se u ka dhënë urdhër ministrit të Mbrojtjes dhe shefit të Shtabit të Forcave të Armatosura të Rusisë që të nisin tërheqjen e trupave nga Siria.
Presidenti i Sirisë Bashar al-Assad e falënderoi Putinin për pjesëmarrjen e Rusisë në luftën kundër terrorizmit në Siri dhe tha se populli sirian nuk do t'i harrojë sakrificat e bëra nga ushtarët rusë.