2017-11-30 19:14:27 | CRI | Komenti juaj | Printoni |
I dënuari për krime lufte, Slobodan Praljak, piu helm në sallën e gjyqit duke i dhënë kështu fund jetës, pasi humbi apelin për dënimin e parë me 20 vjet burgim.
Vdekja e të pandehurit solli pezullimin e punimeve të Gjykatës Penale Ndërkombëtare.
Praljak ishte komandanti i trupave etnike kroate në luftën e Bosnjës nga viti 1992 deri në 1995.
Ai bashkë me 5 zyrtarë të tjerë të lartë boshnjakë u dënua më 29 maj 2013 me 20 vjet burgim.
Vdekja e tij nuk është e para në historinë e kësaj gjykate pasi tetë të dënuar të tjerë kanë humbur jetën gjatë gjykimit ose vuajtjes së dënimit. Shtatë të pandehur kanë humbur jetën kur gjykata ka filluar shqyrtimin e çështjes së tyre.
Shënime:
- Ai u ngrit dhe thirri menjëherë: "Gjyqtarë, Slobodan Praljak nuk është një kriminel lufte. Unë e hedh poshtë me përbuzje vendimin". Më pas ai piu nga një gotë e vogël dhe tha: "Unë sapo piva helm".
-Praljak ishte zyrtar i lartë i Ministrisë së Mbrojtjes së Kroacisë dhe komandant i Këshillit Kroat të Mbrojtjes (HVO) gjatë Luftës së Bosnjes. Këshilli Kroat i Mbrojtjes ishte një formacion zyrtar ushtarak i Republikës së Bosnje Herzegovinës, një entitet i panjohur i kohës së luftës që ekzistonte në Bosnje dhe Hercegovinë midis 1991 dhe 1994.
-Më i njohuri ndër ta ishte ish Presidenti Jugosllav Sllobodan Millosheviç, i cili humbi jetën në qelinë e tij.