2017-11-19 09:35:48 | CRI | Komenti juaj | Printoni |
Autoritetet kineze kanë marrë masa për transferimin e aseteve të caktuara shtetërore në fondet e sigurimeve shoqërore të vendit, në mënyrë që të lehtësohet presioni mbi pagesat e pensioneve.
Asetet do të përfshijnë aksionet e kompanive shtetërore dhe institucionet financiare.
Ato do të transferohen në Këshillin Kombëtar për Fondin e Sigurimeve Shoqërore dhe kompanitë tërësisht shtetërore.
Raporti i transferimit do të jetë 10 për qind e kapitalit shtetëror.
Në rrethana të caktuara dhe pas miratimit, këshilli i fondit të sigurimeve shoqërore mund të krijojë një kompani për menaxhimim e fondeve të pensionit për të operuar në mënyrë të pavarur me fondet e transferuara.
Fondi i Sigurimeve Shoqërore dhe kompanitë shtetërore vendore që marrin kapitalin mund të fitojnë dividentë nga aksionet e ndërmarrjeve shtetërore dhe kanë të drejtën e përdorimit, por nuk do të përfshihen në vendimet e menaxhimit të kompanive.
Programet pilot për transferimin do të nisin brenda këtij viti.
Duke filluar nga viti i ardhshëm, programi do të zgjerohet në më shumë kompani të mbikëqyrura nga qendra, me fonde që do të transferohen në grupe. (Albana)