2017-09-25 19:58:14 | CRI | Komenti juaj | Printoni |
Duke folur në një veprimtari në Firence të Italisë, kryeministrja May ka lënë të kuptohet se periudha kalimtare dyvjeçare do t'i ndihmojë të dyja palët të përshtaten me idenë e "Brexit"-it:
"Është e qartë se njerëzit, bizneset dhe shërbimet publike duhet të bëjnë plane vetëm për një sërë ndryshimesh në marrëdhëniet midis Britanisë së Madhe dhe BE-së. Kështu, gjatë periudhës kalimtare, qasja në tregjet e njëri-tjetrit duhet të vazhdojë si tani. Dhe Britania duhet të vazhdojë të marrë pjesë në masat e tanishme të sigurisë."
May e pranoi se qeveria e saj nuk është plotësisht e përgatitur për atë që do të ndodhë kur Britania e Madhe të largohet nga Bashkimi Europian në mars 2019.
Kreu i "Downning Street"-it theksoi gjithashtu se Britania do të vazhdojë të paguajë në buxhetin e BE-së gjatë periudhës kalimtare.
Kryenegociatori i BE-së Michel Barnier e ka vlerësuar "frymën konstruktive" të fjalimit të May-it, po ka vënë në dukje se Britania duhet t'u përmbahet të gjitha rregullave e detyrimeve të BE-së gjatë periudhës kalimtare të propozuar.
(Artan Goga)