2017-08-16 10:05:24 | CRI | Komenti juaj | Printoni |
Qeveria koreanojugore nëpërmjet një deklarate të martën konfirmoi ndotjen e vezëve të prodhuara në një pulari vendëse me insekticidin Fipronil dhe ndaloi shitjen e tyre. Bëhet fjalë për heqjen nga tregu koreanojugor të 80-90% të vezëve. Ndërkohë në deklaratë thuhet se ka nisur kontrolli në mbi 1400 pulari të vendit.
Fipronili është një insekticid për zhdukjen e pleshtave dhe insekteve të tjera dhe nëse njerëzit e konsumojnë ai mund të shkaktojë dëme në mëlçi, veshka dhe tiroide. Organizata Botërore e Shëndetësisë e ka përfshirë këtë insekticid në listën e kimikateve "toksike të moderuara për njerëzit" . (Vera/ Eda Merepeza)