2017-07-14 09:52:26 | CRI | Komenti juaj | Printoni |
Sekretari amerikan i Shtetit Rex Tillerson është larguar nga Katari pa njoftime për arritjen e ndonjë marrëveshjeje për zgjidhjen e krizës së Gjirit.
Gjatë qëndrimit të tij në Katar, Tillerson u takua me Emirin e vendit.
Ky takim erdhi pasi sekretari u takua me ministrat e Jashtëm të Arabisë Saudite, Emirateve të Bashkuara Arabe, Egjiptit dhe Bahrejnit për të diskutuar mosmarrëveshjen e fundit, në të cilën këto katër shtete e akuzojnë Katarin si mbështetës të ekstremizmit.
Gjatë vizitës së tij, Tillersoni nënshkroi një marrëveshje me qeverinë e Katarit me qëllim luftimin e financimit të terrorizmit.
Megjithatë, të katër vendet thanë se hapi nuk është i mjaftueshëm dhe se ata do të mbikëqyrin me vëmendje seriozitetin e Katarit për ndalimin e mbështetjes së terrorizmit. (Leftion Peristeri)