2017-06-23 09:52:33 | CRI | Komenti juaj | Printoni |
Rusia njoftoi se po përgatitet për t'iu kundërpërgjigjur sanksioneve të reja nga Shtetet e Bashkuara.
Zëdhënësja e Ministrisë së Jashtme të Rusisë (MJR) Maria Zakharova u shpreh të enjten se kundërpërgjigjja ndaj sanksioneve tradicionalisht është reciproke, duke shtuar se masat janë në fazën e hartimit.
Shtetet e Bashkuara vendosën sanksione shtesë ndaj Rusisë lidhur me ndërhyrjen e dyshuar ruse në Ukrainë, duke përfshirë 38 individë e subjekte të lidhura me Ukrainën, si dhe dy zyrtarë të qeverisë ruse.
Zëvendësministri i Jashtëm rus Sergei Ryabkov bëri të ditur të mërkurën se ka anuluar takimin me homologun e vet amerikan Thomas Shannon në Shën-Petërburg.
Megjithatë, Zakharova tha se anulimi i takimit nuk ishte përgjigja përfundimtare ndaj sanksioneve të Shteteve të Bashkuara.
Shtetet e Bashkuara dhe aleatët e saj kanë vendosur sanksione ndaj Rusisë që nga viti 2014, lidhur me aneksimin e Krimesë dhe përfshirjen e pretenduar të Rusisë në Ukrainën Jugore.
Rusia është përgjigjur me kundërmasa, si mohimi i hyrjes në vend për shumë zyrtarë dhe ndalimi i importit të disa mallrave.