2017-05-17 10:46:12 | CRI | Komenti juaj | Printoni |
Ambasadorja Jiang dëgjoi me vëmendje prezantimin nga drejtuesi i kompanisë Sun Weijun dhe vizitoi repartet e zyrat, ku u interesua për prodhimin dhe punonjësit. Zonja Jiang tha se ambasada e Kinës është e gatshme t'u ofrojë mbështetje ndërmarrjeve kineze si dhe t'u japë bashkatdhetarëve në Shqipëri mbrojtjen e duhur konsullore.
Ambasadorja Jiang vlerësoi modelin e bashkëpunimit dhe planin e zhvillimit të kompanisë EuroAsia Footwear Sh.P.K dhe shprehu shpresën që pala kineze, shqiptare dhe evropiane të bashkëpunojnë me sinqeritet, të plotësojnë njera-tjetrën dhe të shfrytëzojnë plotësisht epërsitë e Shqipërisë, si kostoja e ulët e krahut të punës dhe në lehtësitë e tregtisë me BE-në, me synim zgjerimin e tregut evropian, krijimin e vendeve të punës, formimin e modelit të suksesshëm të bashkëpunimit trepalësh dhe përfitimet e përbashkëta. "Këto janë veprime konkrete për zbatimin e nismës 'Një Brez Një Rrugë'," shtoi ambasadorja Jiang.
Ambasadorja kineze në Tiranë i kujtoi stafit të kompanisë të respektojë traditat e zakonet vendëse, të funksionojë sipas ligjit, të garantojë prodhimin dhe të mbajë përgjegjësi shoqërore. (Wang Lei/ Eda Merepeza)