2017-04-13 09:12:35 | CRI | Komenti juaj | Printoni |
Java Ndërkombëtare e Filmit të Gjelbër të Kinës do të zhvillohet këtë verë në Shanghai.
Kjo veprimtari vjen si përpjekje e industrisë kinematografike të Kinës për të nxitur mbrojtjen e mjedisit.
Gjatë 'Javës së Filmit të Gjelbër' do të shfaqen 40 filma që trajtojnë temën e mbrojtjes së natyrës dhe të gjallesave në rrezik zhdukjeje.
Song Peixue, i Qendrës Kërkimore të Artit dhe Filmave, thekson se veprimtaria do të shtojë ndërgjegjësimin tek kinezët.
"Çështja e mbrojtjes së mjedisit është mjaft e trajtuar në vende të ndryshme të botës dhe kjo është arsyeja kryesore se përse në Shanghai ne po organizojmë festivalin e filmit të gjelbër. Industria jonë e filmit është gjithashtu duke luajtur një rol të rëndësishëm dhe aktiv. Veprimtaria e ardhshme do të jetë një hap i madh përpara për të nxitur mbrojtjen e mjedisit."
Sipas organizatorëve, filmat që do të shfaqen gjatë Javës së Filmit të Gjelbër, vijnë nga 15 vende dhe rajone të ndryshme të globit. (Leftion Peristeri)