2017-04-11 10:23:09 | CRI | Komenti juaj | Printoni |
Tre veta kanë humbur jetën të hënën paradite nga të shtënat me armë zjarri në një shkollë të qytetit San-Bernardino në shtetin amerikan të Kalifornisë.
Shefi i policisë së San-Bernardinos, Jarrod Burguan, e cilësoi ngjarjen si një incident "vrasjeje dhe vetëvrasjeje".
Sipas policisë, një person i armatosur hyri në shkollë dhe vrau një nga mësueset, duke vrarë më pas veten. Gjithashtu edhe dy nxënës u plagosën, njëri nga të cilët, 8-vjeçar, humbi jetën më pas në spital.
Policia mendon se nxënësit nuk ishin objektiv i sulmit, por u plagosuan për shkak se po qëndronin rreth mësueses. (Fang Xiaoyu)