2016-10-22 10:11:51 | CRI | Komenti juaj | Printoni |
Ministri i Jashtëm kinez Wang Yi ka thënë se Kina kundërshton me vendosmëri të gjitha format e terrorizmit dhe është e angazhuar për rritjen e bashkëpunimit ndërkombëtar në këtë drejtim.
Wang i bëri këto komente në ceremoninë e hapjes së një seminari për luftën kundër terrorizmit kibernetik të premten në Pekin.
Ai vuri në dukje se interneti është bërë një platformë e rëndësishme për terroristët për nxitjen e ekstremizmit të dhunshëm dhe përgatitjen e sulmeve terroriste.
Kreu i diplomacisë kineze bëri thirrje për bashkëpunim konkret të bashkësisë ndërkombëtare.
Seminari është pjesë e Forumit Global Kundër Terrorizmit.
Forumi, i përbërë nga 29 vende dhe Bashkimi Europian, synon parandalimin, goditjen dhe hetimin e akteve terroriste dhe luftën kundër nxitjes së terrorizmit apo rekrutimit të terroristëve.