Skandali i Volkswagenit, bien 37% fitimet në 6 mujorin e parë të vitit

Grupi Volkswagen publikon të enjtën një raport financiar, sipas të cilit si pasojë e ndikimit të skandalit të lëshimit të gazit, në gysmën e parë të vitit të ardhurat shënuan rënie me 0.8% krahasuar me vitin e kaluar, ndërsa fitimet ranë me 36.8%.

Volkswagen është kompania më e madhe e prodhimit të makinave në Europë. Në shtatorin e vitit të kaluar, Agjencia e Mbrojtjes së Mjedisit e SHBA-së akuzoi Volkswagenin për mashtrim me testimin e lëshimit të gazrave në automjetet e saj me naftë.