9 dukuritë e Fillimit të Vjeshtës

2018-08-08 17:11:05 CRI Komenti juaj Printoni

Sipas kalendarit bujqësor kinez, një vit ka 24 faza stinore dhe çdo fazë ka termin e saj. Këto "faza stinore" simbolizojnë ndryshimin e klimës, sasinë e reshjeve dhe dukuri të tjera natyrore. Një vit ndahet në periudha kohore me dukuri klimatike relativisht të qëndrueshme. Termi i secilës fazë stinore është dita e parë e kësaj periudhe. Krijimi i fazave stinore vjen nga vëzhgimet, eksplorimi dhe përfundimet e popullit të lashtë kinez rreth astronomisë dhe meteorologjisë.

Në Kinë, 24 fazat u krijuan mijëra vite më parë si udhëzim për prodhimin bujqësor. Por kultura e fazave diellore është ende e përdorshme edhe sot për të udhëzuar jetët e njerëzve përmes ushqimeve të veçanta, ceremonive kulturore dhe madje këshillave të shëndetshme për jetën që i korrespondojnë çdo faze.

Fillimi i vjeshtës, (kinezisht: 立秋), është faza e 13-të diellore e vitit, që nis më 7 gusht dhe përfundon më 22 gusht.

"Fillimi i vjeshtës" përfaqëson ndryshimin e stinëve, ai simbolizon që vera e nxehtë do të përfundojë shumë shpejt dhe vjeshta e freskët do të vijë. Por në fakt, Kina ka territor shumë të madh dhe ka klima e temperatura të shumëllojshme në krahina të ndryshme. Vitet e fundit, po ndihen gjithnjë e më shumë ndikimet e ngrohjes globale, me temperaturat gjithnjë e më të larta dhe shkrirjen e akujve polarë. Prandaj, në fazën stinore "Fillimi i vjeshtës", temperatura mesatare në shumicën e krahinave kineze vazhdon të mbetet mbi 22 gradë. Vetëm në dhjetëditëshin e 2-të dhe dhe të tretë të shtatorit, në shumicën e tyre nis vjeshta e vërtetë.

1. "Tigri i vjeshtës"

"Tigri i vjeshtës" do të thotë se, pas termit "Fillimi i vjeshtës", temperatura mund të arrijë mbi 35 ose 40 gradë për disa ditë me radhë dhe rritja e temperaturave në këtë fazë është përshkruar si zemërimi i papritur i tigrit në gjuhën kineze. Në fakt, dukuria e mosikjes së verës së nxehtë ndodh edhe në vende të tjera të botës. Në Europë kjo dukuri është quajtur "Vera e plakës", ndërsa në Amerikën Veriore është e njohur si "Vera indiane".

2. Peshohuni

Në ditën e parë të fazës stinore "Fillimi i Vjeshtës", zakonisht njerëzit peshohen dhe e krahasojnë peshën e tyre me atë që ishte në Fillimin e Verës. Nëse dikush ka humbur kile të tepërta gjatë verës, atëherë ai ose ajo do të hanë më shumë në Fillimin e Vjeshtës, përfshi mishin.

3. Mbledhja e të korrave

Fillimi i Vjeshtës është një fazë e rëndësishme diellore për fermerët, koha për të mbedhur të korrat. Ka një shprehje: "Nëse bie shi gjatë ditës kur nis kjo fazë, atëherë do të ketë të korra të bollshme."

4. Hani pjeshka

Në Hangzhou të Kinës, njerëzit hanë pjeshka në ditën e Fillimit të Vjeshtës. Bërthamat e pjeshkëve ruhen deri në vigjilje të Vitit të Ri dhe më pas hidhen në furrë, derisa bëhen hi. NJerëzit besojnë se në këtë mënyrë, do të parandalohen sëmundjet epidemike gjatë gjithë vitit.

5. Hani "Syrin e Dragoit"

Fillimi i Vjeshtës është koha e korrjes së frutir longan (Syri i dragoit). Njerëzit besojnë se po të hani këtë frut do të ndihmoni që pasardhësit të bëhen zyrtarë të lartë.

6. Hani "jiaozi" apo ravioli kineze

Në provincën Shandong të Kinës, banorët bëjnë ravioli kineze gjatë Fillimit të Vjeshtës dhe këtë e quajnë "Ngrënia e Vjeshtës". Në këtë ditë, të moshuarit e familjes do të qëndrojnë në mes të sallës dhe do të mbajnë një tas me kokrra të ndryshme dhe do të luten për të korra të bollshme në vjeshtë. Shumica e familjeve do të hanë ravioli së bashku në këtë ditë.

7. Hani fasule të kuqe

Prej dinastive Tang (618-907) dhe Song (960-1279), banorët në Yiwu, të provincës Zhejiang, kanë ngrenë fasule të kuqe në Fillim të Vjeshtës. Ata marrin shtatë deri në 14 kokrra të vogla fasuleje, i kapërdijnë ato me ujë të bollshëm. Gjatë kohës kur hani fasule, duhet të kthenei me fytyrë nga perëndimi, pasi në këtë mënyrë sdo sëmureni nga dizanteria në vjeshtë, sipas traditës së lashtë.

8. Hani kunguj

Gjatë Dinastisë Qing (1644-1911), njerëzit vendosnin kunguj jashtë për një ditë përpara Fillimit të Vjeshtës dhe e hanin atë në Ditën e Vjeshtës për të larguar nxehtësinë e verës. Sot njerëzit në Tianjing ende e vazhdojnë këtë traditë dhe besojnë se ngrënia e kungujve apo e pjeprit të hidhur mund të parandalojë diarrenë në vjeshtë dhe në dimrin e ardhshëm dhe pranverë.

9. "Prekja e Vjeshtës"

Ka një zakon të "Prekjes së Vjeshtës" në veri të Yancheng, në provincën Jiangsu. Në vigjilje të Fillimit të Vjeshtës, banorët mund të prekin dhe të marrin falas të gjitha llojet e frutave në kopshtet e të tjerëve dhe pronarët e këtyre frutave nuk do të nevrikosen, pavarësisht sa humbasin. Shumë kopshtarë madje lënë disa fruta në fushë me qëllim që mysafirët t'i marrin gjatë natës.

Mrekulli
Lajmet Kryesore