Pula me portokalle

2018-06-07 14:47:47 CRI Komenti juaj Printoni

Pula me portokalle është një ndër specialitetet kineze që janë një variacion i Pulës të General Tso's e cila ka po të njëjtin koncept, por kjo është më "european friendly". Pjatat kineze janë tepër të thjeshta për t'u bërë pasi si logjike përdorin salcat e tyre tradicionale (uthull orizi, uthull molle, xhinxher, salcën e sojës) dhe i kombinojne me një lloj proteine (qofte mish vici, derri, pule apo tofu) dhe i shërbejnë me oriz.

Kjo e sotmja përbën një super drekë që merret me vete edhe në punë.

Për pulën

1 vezë

1 lugë piper i bardhë

1 lugë e gjysmë kripë

2 fileto pule të plota, të prera në kubikë

Gjysmë gote miell misri

Çerek gote miell normal

Vaj për skuqje

Për salcën

1 lugë

3-4 hudhra të copëtuara

1 lugë të vogël xhinxher i prerë hollë

Gjysmë luge fara speci të kuq

1 lugë e vogël uthull molle (ose uthull vere gjysem luge)

2 lugë të vogla salcë soje

5 lugë uthull të bardhë vere

Pak ujë

4 lugë të vogla sheqer

1 lugë e vogël lëkurë portokalli të grirë (zest)

1 lugë miell misri i kombinuar me 1 lugë ujë në një filxhan.

Përdorni qepë të njoma për dekorim.

Brokoli (lajini dhe futini në avull)

Oriz i bardhë (1 gotë oriz, 2 gota e pak ujë, pak vaj ulliri, në një tenxherë të vogël, nxeheni deri sa të vlojë, vendosini kapakun, uleni temperaturën në zjarr të lehtë, lëreni të bëhet për 17 minuta)

Përgatitja:

-Në një tas të madh, miksoni vezën, piperin, kripën dhe shtoni copat e pules. Trazojini mirë.

-Në një tas tjetër të madh, miksoni miellin e misrit me miellin normal.

-Shtoni copat e pulës që jane të mbuluara në vezë dhe trazojini mirë.

-Shkundni miellin e panevojshëm dhe skuqni pulen në një tigan të thellë

-Kur të jenë gati, lërini të rrinë dy minuta me letra kuzhinë që të thithet vaji i tepërt.

-Në një tigan të madh, shtoni vajin, hudhrat, xhinxherin dhe farat e specit të kuq. Skuqini deri sa të marrin ngjyrë.

Hidhni uthullën e mollës, trazojini mirë – këtu do ndjeni erën e uthullës që po avullon.

Në këtë pikë, shtoni të gjithë përbërësit e tjerë përveç miellit të misrit me ujë.

-Çojeni në vlim, shtoni copat e pulës, trazojeni mirë dhe shtoni filxhanin e miellit të misrit me ujë.

Lëreni dhe pak sa të trashet salca.

Vëreni në pjatë me orizin dhe brokolin, hidhini sipër qepë të njoma dhe gati.

E shikoni sa të thjeshta që janë pjatat orientale?

Mrekulli