1 maj, Kina nis politikën "tarifa zero" për ilaçet kundër kancerit

2018-05-04 17:17:55 CRI Komenti juaj Printoni

Ditët e fundit, Komisioni i Tarifave Doganore të Këshillit të Shtetit publikoi një deklaratë, ku thuhet se prej nga 1 majit, Kina do të zbatojë politikën "zero tarifa" për të gjitha ilaçet e importuara kundër kancerit. Më 28 prill, përgjegjësi i Komitetit Kombëtar të Shëndetit të Kinës u shpreh se në të ardhmen, do të formohet sistemi i mekanizmit afatgjatë, për të pakësuar ngarkesat e shpenzimeve mjekësore të pacientëve të prekur nga kanceri përmes mënyrave të ndryshme.

Kohët e fundit, kanceri është bërë "vrasësi i parë" i popullatës, ku rastet e shfaqjes dhe vdekshmëria është në rritje. Në të njëjtën kohë, çmimet e larta të ilaçeve kundër kancerit sjell barrë të rëndë ekonomike dhe më shumë stres për pacientët dhe familjarët e tyre.

Sipas shefit të Politikës së Medikamenteve pranë Komitetit Kombëtar të Shëndetit të Kinës, Yu jingjin, në tregjet kineze ekzitojnë 138 ilaçet e anti-kancer-it dhe shpenzimet e përgjithshme të pacientëve të prekur nga kanceri arritën në afro 130 miliardë juanë në vitin 2017. Çmimet e larta të ilaçeve të anti-kancerit vijnë për këto arsye:

"Së pari, kostot për hulumtime dhe prodhimin e ilaçeve janë shumë të larta. Vitet e fundit, janë shtuar investimet për gjetjen e kurës magjike kundër kancerit, por përqindja e suksesit është më pak se 2%, ndërkohë që kosto mesatare e kërkimeve për një ilaç i kalon 700 milionë dollarë. Prandaj, çmimet e ilaçeve janë kaq të larta, me qëllim që kompanitë jo vetëm të mbulojnë kostot por të realizojnë edhe fitime. Së dyti, mbulimi me sigurime shëndetësore është i kufizuar, një pacient mund të marrë vetëm 700 juanë, disa shpenzojnë shifra të mëdha që i nxjerrin nga xhepat e tyre. Llojet e tjera të sigurimeve apo dhe donacionet nga shoqatat e bamirësisë nuk janë të mjaftueshme. Së treti, periudha e mbijetesës po zgjatet në mënyrë të pandërprerë. Me përparimin e parandalimit e trajtimit të kancerit dhe shpejtimin e nxjerrjes së ilaçeve të reja, mbi 40% të pacientëve të diagnozuar me kancerin në vitin 2014 kanë mbijetuar për mbi 5 vjet, duke shkaktuar rritje të mëtejshme të kostos së ilaçeve kundër kancerit."

Në këtë sfond, në mbledhjen e Këshillit të Shtetit të Kinës në kohët e fundit, janë përcaktuar më tej një sërë masash komplekse si ulja e tarifave doganore etj, për të ulur shpenzimet mjekësore të ilaçeve të anti-kancerit nëpërmjet kanaleve të ndryshme.

Zv-drejtori i Komitetit Kombëtar të Shëndetit të Kinës Zeng Yixin tha:

"Prej 1 majit, do të ketë tarifa doganore zero për ilacet anti-kancer të importuara në Kinë. Së fundmi, janë publikuar masat konkrete për uljen e taksave të vlerës së shtuar të ilaçeve, ku bëjnë pjesë 103 ilaçe kundër kancerit në tregun kinez."

Zeng Yixin bëri të ditur se pas 1 majit, qeveria do të mblidhet për të diskutuar mbi kompanitë farmaceutike për përcaktimin e çmimeve të ilaçeve përkatëse të përfshira në listën e sigurimeve shëndetësore dhe do të blejë kolektivisht këto ilaçe. Përveç kësaj, qeveria do të formojë sistemin afatgjatë për uljen e barrës së shpenzimeve përmes mënyrave të ndryshme.

"Së pari, do të nxisim hulumtimet dhe novacionin. Do të forcojmë planet shkencore kombëtare për studimin e ilaçeve kundër kancerit dhe do të mbështesim me përparësi kërkimet për fitoren kundër kancerit; së dyti, do të shpejtojmë miratimin e këtyre ilaçeve; së treti, do të ulim koston e qarkullimit të ilaçeve, do të godasim veprimet e paligjshme si ryshfetet, monopolin etj; së katërti, do përmirësojmë diagnozën mjekësore dhe trajtojmë në mënyrë të përshtatshme ilaçet."

Për t'u ofruar sa më parë pacientëve ilaçet më të përparuara ndërkombëtare, në të ardhmen, Kina do të përmirësojë procesin e miratimit dhe të shkurtojë kohën e hedhjes së ilaçeve në treg. Zv-drejtori i Departamentit të Regjistrimit pranë Administratës Kombëtare të Ushqimit dhe Barnave, Li Jinju na tregoi se në të ardhmen, do të shpejtohet rishikimi i ligjeve administrative të ilaçeve dhe të dokumenteve përkatëse, për ta shpejtuar procesin e shqyrtimit të ilaçeve anti-kancer në bazë të nevojave urgjente.

"Duhet të ndryshojmë sistemin e shqyrtimit të eksperimenteve klinike tek sistemi i regjistrimit. Aplikimi i eksperimenteve klinike do të jetë transparent. Në të njëjtën kohë, do të publikojmë një sërë udhëzimesh dhe masash të tjera për mbrojtjen e të dhënave përkatëse etj. Do të shpejtojmë procesin e miratimit për ilaçet ndaj sëmundjeve të rralla, në bazë të garantimit të sigurisë së pacientëve. Për këto ilaçe, mund të pakësojmë eksperimentet klinike." (Xu Guang)

Mrekulli