Si të ruajmë shëndetin mendor gjatë festave të fundvitit

2017-12-29 16:43:11 CRI Komenti juaj Printoni

Një psikologe amerikane ka treguar arsyet pse disa njerëz priren për depresion gjatë festave. Së pari ajo thekson problemet financiare

Nuk është çudi që shumica e njerëzve fillojnë të brengosen se nuk mund t'i përballojnë financiarisht të gjitha shpenzimet ekstra që i sjell sezoni festiv. Këto probleme financiare shkaktojnë stres dhe shqetësim

Së dyti ajo përmend vetminë.

Sipas një sondazhi të vitit 2015, 20 për qind e njerëzve ndihen të vetmuar gjatë festave të fundvitit sepse nuk kanë familjarë apo miq afër ose kanë humbur një person që e kanë dashur shumë dhe kjo periudhë festive është e vështirë pa atë person.

Ja si t'i kapërcejmë disa sfida që sjellin festat

1. Qetësi mendore

Në fund të vitit, me marrjen e disa ditëve pushim shumë njerëz duan të udhëtojnë diku për relaks. Por, shumë prej tyre ngarkohen me aktivitete të ndryshme shoqërore si festa, takimet me miqtë e fëmijërisë etj. Si rezultat, koha e pushimit shndërrohet në një periudhë tjetër shumë të zënë. Disa njerëz mërziten për këtë presion gjatë festave, prandaj duhet të merrem me metoda për qetësimin e mendjes.

Për këtë gjeni një ambient të qetë dhe uluni në një pozicion të rehatshëm.

Pastaj, pyesni veten: "Çfarë po mendoj unë në këtë moment?" provoni që t'i largoni mendimet hektike në kokën tuaj. Pastaj, mendoni në heshtje ndonjë fjalë, si "qetësi". Më pas merrni frymë thellë dhe njëtrajtësisht. Mund ta përsërisni këtë stërvitje për 15-30 minuta. Kjo është jo vetëm një metodë efektive për të lehtësuar tensionin nervor, por gjithashtu edhe një metodë e mirë për parandalimin e hipertensionit, dhimbjes së kokës të shkaktuar nga tensionet etj.

2. Ndiqeni lumturinë

Disa persona bëjnë shumë plane për festat si psh- Dita e parë, vizita në familjen e prindërve; dita e dytë, vizita në familjen e vjehrrit; dita e tretë,

vizita në familjen e të afërmve; dita e 4-t, takim me miqtë e universitetit;

dita e 5-të, vizitë në familjen e miqve etj. Ata mendojnë se nuk mund të heqin dorë nga asnjë vizitë apo aktivitet, duke zënë të gjithë kohën që kanë për të pushuar. Kjo mërzitje nuk vjen nga lodhja fizike, por nga emocionet, shqetësimi dhe pakënaqësia. Nëse s'mund të ndryshoni programin e festës, të paktën ndryshoni humorin.

Përpiquni të gjeni çfarë ju pëlqen dhe kushtojini vëmendje më të madhe aspekteve pozitive të takimeve gjatë festës. Çdo mëngjes para nisjes për aktivitetet e ndryshme, thojini vetes: "Këtë program nuk e ndryshoj dot, atëherë pse të mos ndryshoj emocionet e mia? Çdo vend që do të vizitoj do të kaloj një kohë të mirë me miqtë dhe do të mësoj diçka të re dhe nuk do të mërzitem. Rritja e interesit për aktivitetet do të shërbejë si një mënyrë relaksi dhe do të shtojë gëzimin tuaj.

3. Zhvendosja e vëmendjes

Vitet e fundit, shumë të rinj kinezë janë tepër të fokusuar tek karriera dhe nuk dëshirojnë të krijojnë familje herët. Ata gëzojnë lirinë që të mundëson beqaria dhe detyrat e pakta familjare. Por kur kthehen në familje përballen me presionin e prindërve, të cilët i kërkojnë të martohen sa më parë. Sipas traditës kineze, të rinjtë duhet të martohen në moshën e përshtatshme. Por në kohën moderne, të rinjtë kinezë dëshirojnë të martohen më vonë ose të ruajnë jetën e tanishme pa preokupime familjare. Gjatë takimeve familjare, të afërmit i pyesin në mënyrë të pandërprerë mbi çështjen e martesës. Përveç kësaj, shqetësimet e prindërve në për këtë çështje shkaktojnë uljen e vetëvlerësimit. Në këtë periudhë, është e papërshtatshme që të rezistoni dhe të kundërshtoni ndërhyrjen e familjarëve, por duhet ta transferoni vëmendjen apo ndryshoni temë dhe evitoni emocionet negative. Ndryshimi i temës së bisedës është një teknikë për marrëdhëniet shoqërore dhe familjare. Kur përballeni me pyetje të ngjashme nga miqtë dhe familjarët, mund t'i falënderoni ata për merakun që kanë ndaj jush dhe me kujdes ndërroni temë. Emocionet negative nuk ju bëjnë mirë prandaj kujdesuni për veten tuaj.

4. Monolog

Kur jemi të rinj, mezi sa i presim festat, pasi konsumojmë ushqime të shijshme, veshim rroba të reja dhe marrim shumë dhurata. Megjithatë këto mendime kanë qenë për fëmijët e së kaluarës si dhe për ata që nuk jetonin në familje të pasura. Sot, jeta është më e pasur dhe më dinamike dhe lumturia e sjellë nga dhuratat e festës është dobësuar shumë. Disa persona nuk i konsiderojnë më festat si periudhë të kënddhme, por i shohin si një periudhë për të pushuar. Kur përballeni me rënien e humorit dhe interesit për festat, mund të bëni monolog me veten për të gjetur çfarë ju pëlqen. Duhet të përcaktoni çfarë pëlqeni. Ka disa raste, duhet t'i lini mendimet e vjetra në të kaluarën dhe të rrisni vetëvlerësimin. Ky është proces i pastrimit të brendshëm. Për këtë, uluni në një pozicion të rehatshëm dhe shkruani të gjitha mendimet dhe idetë në atë moment

Mrekulli