dëgjoni

Drejtuese? Të dashur dëgjues, për të arritur rezultate të mira në Lojërat Olimpike të Pekinit, Shqipëria në Evropën jugore ka dërguar në Kinë delegacionin më të madh të saj në histori, të përbërë nga 27 anëtarë, duke përfshirë 11 sportistë. At0a do të marrin pjesë në garat e 6 disiplinave, si qitje, mundje, peshëngritje etj. Më 3 gusht shefi i delegacionit olimpik shqiptar Fidel Ylli dha një intervistë për gazetarin e radios sonë Jiang Lei. Tani ju ftoj ta ndiqni më hollësisht atë.

Z. Fidel Ylli, 45-vjeçar, ka marrë pjesë më se një herë në olimpiada, por në Lojërat Olimpike të Pekinit, në krye të delegacionit shqiptar, ai ndihet ndryshe nga herët e kaluara. Ai na tregoi se Shqipëria i kushton rëndësi shumë të madhe pjesëmarrjes në Lojërat Olimpike të Pekinit dhe ka dërguar delegacionin më të madh në numër në histori dhe me sportistë më cilësorë, disa prej të cilëve janë kampionë evropianë ose radhiten në vendet e para në botë.

"Ky është delegacioni ynë më i madh në numër. Nga olimpiada në olimpiadë ne kemi rritur numrin e sportistëve, por edhe në cilësinë e tyre ky delegacion tani ka kualitet brenda. Përveç numrit më të madh se në olimpiadat e mëparshme, tani ka edhe cilësi brenda dhe ne pretendojmë. Kjo është pozitive."

Duke filluar nga viti 1972, Shqipëria ka marrë pjesë në disa lojëra olimpike, por fatkeqësisht deri tani ajo nuk ka fituar asnjë medalje olimpike. Duke folur për objektivin e Shqipërisë në Lojërat Olimpike të Pekinit, z. Ylli u tregua optimist dhe i matur. Ai u shpreh se sportistët shqiptarë pjesëmarrës janë shumë të dalluar, po të marrin një medalje të bronztë në Pekin, duke thyer "rekordin zero", ata do të kënaqen shumë.

"Ne nuk pretendojmë në shkallë sipërore, që të themi ne patjetër do të marrim medalje. Ne kemi sportistë cilësorë, si Sahit Prizreni apo Elis Guri, që i kanë mundur të gjithë kampionët e botës vitin e kaluar, dhe pse mos e mundin kinezin përsëri, pse mos e mundin rusin përsëri, kur ai e mundi në kampionatin botëror. Pra kjo tregon që sportistët tanë, po të jenë në momentin e mirë psikologjik, të gjendjes fizike e emocionale, dhe të kenë edhe pak fat në hedhjen e shortit, që dy ndeshjet e para të mos u bien direkt me kampionët e botës, është shumë e mundur që ata të hyjnë në zonën e medaljeve."

Kur arriti në Pekin në fund të korrikut, zotit Ylli i lanë përshtypje shumë të thella punët përgatitore për Lojërat Olimpike të Pekinit. Duke folur për punën e Komitetit Organizativ Olimpik të Pekinit, Ylli e vlerësoi lart atë:

"Unë jam pjesëmarrës në disa olimpiada, por fshati olimpik është mrekulli, për sa i përket investimit, godinave, dhomave të fjetjes, infrastrukturës brenda, dhe në fund të fundit mbështetjes që i kanë bërë me vullnetarë, ku në çdo hyrje të çdo godine ose çdo apartamenti ka nga 3 ? 4 vullnetarë, që rrinë gjithë kohës të përkulur, që rrinë gjithë kohës duke përshëndetur: 'Mirëmbrëma!', 'Si u ngrysët!', 'Natën e mirë!', 'Mirë se erdhët', me një lloj edukate që s'e kemi parë në vende të tjera."

Delegacioni shqiptar merr pjesë për herën e parë në lojërat olimpike në Azi. Para se të vinin, shumë sportistë që jetojnë në brigjet e Mesdheut ishin të shqetësuar për ushqimet e këtushme. Z.Ylli tha se faktet kanë hequr merakun e tyre:

"Edhe mensa është po mjaft gjigante, me një larmi ushqimesh brenda, duke filluar nga ushqimi aziatik, nga ushqimi nacional, nga ushqimi mesdhetar, nga ushqimi tipik kinez, e gjithçka. Mund të them që, në qoftë se do të vazhdojë kështu, këto lojëra do të mbahen mend jo vetëm te delegacioni shqiptar, po do të mbahen mend edhe te gjithë sportistët e tjerë."

Drejtuese: Ju flet Radio e Jashtme e Kinës. Të dashur dëgjues, ndoqët Intervistën e shefit të misionit të delegacionit olimpik shqiptar Fidel Ylli".