Kryeministri Li Keqiang boton artikull në gazetën "Europian Times"

Fjala kyçe:未来---[wèi lái]---E ardhme

Kryeministri i Kinës Li Keqiang ka botuar të dielën një artikull në gazetën "Europian Times", me titull "Miq të vjetër, njohuri të reja, krijimi i përbashkët i së ardhmes." Përmbajtja e artikullit është si më poshtë:

"Jam i gëzuar që vizitoj për herë të parë Holandën si kryeministër. Vitet e fundit, marrëdhëniet dhe bashkëpunimi mes dy vendeve kanë përparuar vazhdimisht. Veçanërisht në vitin 2014, presidenti i Kinës Xi Jinping zhvilloi një vizitë të suksesshme në Holandë dhe Kina e Holanda vendosën marrëdhënie partneriteti të bashkëpunimit të gjithanshëm. Sivjet, mbreti Willem-Alexander dhe kryeministri Mark Rutte e kanë vizituar Kinën brenda dy muajve me radhë, duke shënuar rekord të ri historik në marrëdhëniet kino-holandeze.

Holanda, që është një vend i fokusuar te tregtia, dhe Kina që është fokusuar te hapja dhe zhvillimi, janë përfituese nga sistemi shumëpalësh i bazuar te rregullat. Unë besoj se ne do të japim një përgjigje të përbashkët, që do të ruajmë multilateralizmin, tregtinë e lirë, globalizimin ekonomik dhe ekonominë e hapur botërore, dhe do të bashkëpunojmë me veprime konkrete. Shpresoj gjithashtu se do të ngulim këmbë në rimëkëmbjen ekonomike të botës, në 'historinë holandeze' dhe 'historinë kineze', dhe në paqen e zhvillimin e botës.

Kina e Holanda ndodhen në faza të ndryshme zhvillimi dhe ekonomikisht janë përplotësuese të forta të njëra-tjetrës. Nxitja e nismës "Një brez, një rrugë" do t'i krijojë Holandës mundësi të reja për të shfrytëzuar epërsitë e saj gjeografike dhe lehtësinë e transportit ujor, tokësor dhe ajror, dhe do të ofrojë raste të mira për ndërlidhshmërinë kino-europiane. Zhvillimi i mrekullueshëm i dinamizmit të ri të ekonomisë kineze dhe transformimi e përmirësimi i strukturës industriale të Kinës do ta ngrenë në një nivel të ri më të lartë bashkëpunimin teknologjik kino-holandez. Kërkesa për një cilësi të lartë jetese dhe rritja e fuqisë së konsumit të kinezëve do të favorizojnë futjen në tregun kinez të produkteve me cilësi të lartë holandeze. Thellimi i zbatimit të strategjisë së zhvillimit të risive të Kinës do t'i japë impuls të ri shfrytëzimit të epërsive të sektorëve inovativë holandezë për të marrë pjesë në rritjen e ekonomisë inovative të Kinës. Një varg masash mbi thellimin e reformës dhe zgjerimin e hapjes, veçanërisht lehtësimi i hyrjes së kapitaleve të huaja në sektorët e shërbimit dhe financës, do ta bëjnë Kina një vend më tërheqës për investime nga kompanitë holandeze.

Kina do të shtojë përpjekjet për përmirësimin e mjedisit të biznesit, zgjerimin e hyrjes së investimeve të huaja, mbrojtjen e të drejtave të pronësisë intelektuale dhe shpejtimin e hapave të zhvillimit. Ky është premtimi i Kinës për botën dhe nevoja e zhvillimit të vetë Kinës. Ne do të përparojmë sipas objektivave të përcaktuar. Procesi i Refomës dhe Hapjes së Kinës është një proces i integrimit të vazhdueshëm me rregullat ndërkombëtare dhe zhvillimin e vendeve të tjera të botës. Ne mirëpresim çdo vend, duke përshirë Holandën, të ndajë mundësitë e ofruara nga zhvillimi i Kinës dhe kemi besim se do të rritemi së bashku gjatë konkurrencës së ndershme dhe bashkëpunimit, duke arritur suksese gjatë kalimit të vështirësive dhe zgjidhjes së problemeve. (Fang Xiaoyu)