Shtimi i investimeve dypalëshe është drejtimi i zhvillimit të marrëdhënieve ekonomiko-tregtare kino-amerikane

2018-06-13 17:16:10 CRI Komenti juaj Printoni

Fjala kyçe:方向---[fāng xiàng]---Drejtim

Ditët e fundit, Forumi Financiar CF40 i Kinës dhe Instituti i Ekonomsë Ndërkombëtare Peterson (PIIE) i SHBA-së bënë bashkërisht në Uashtington raportin CF40-PIIE për vitin 2018.

Në këtë raport bëhet thirrje për zgjerimin e investimeve të drejtpërdrejta të ndërsjella për të nxitur zhvillimin afatgjatë të marrëdhënieve ekonomiko-tregtare kino-amerikane.

Kohët e fundit, qeveria amerikane ka vendosur një sërë tarifash ndaj disa vendeve e për pasojë janë rritur shqetësimet për ndikimin negativ që do të sjellë proteksionizmi tregtar mbi të ardhmen e ekonomisë globale. Në ceremoninë e publikimit të raportit, drejtori i Institutit Peterson, Adam Posen, theksoi se kërcënimet nuk përputhen me interesat e ShBA-së dhe as nuk zgjidhin mosmarrëveshjet midis Kinës e SHBA-së.

Pas vendimit të administratës së Trump-it për vendosjen e tarifave ndaj importeve të çelikut dhe aluminit të importur nga BE-ja, Kanadaja, Meksika etj., vendet e përkatëse morë masa hakmarrëse ndaj produkteve amerikane, përfshi ato bujqësore e blegtorale. Adam Posen u shpreh se nga situata e krijuar, SHBA-ja po humb disa aleatë. Kërkimi i zhdukjes së deficitit tregtar nuk është një politikë e arsyeshme tregtare, për SHBA-në, rritja e depozitave bankare vendëse është mënyra më e mirë për zgjidhjen e deficitit tregtar.

Politika e pakësimit në përmasa të mëdha të tarifave e qeverisë së Trumpit nuk ka luajtur pothuajse asnjë rol për nxitjen e investimeve, kjo është shkaktuar pjesërisht nga politika e paqëndrueshme tregtare që ka ushtruar ndikimin negativ mbi zinxhirin e furnizimit global, investimet ndërkombëtare etj.

Posen vuri në dukje se nga aspekti i vendosjes së marrëdhënieve afatgjata tregtare, për të shmangur mosmarrëveshjet tregtare, duhet të zgjerohen investimet e ndërsjella midis SHBA-së e Kinës. Pasi, theksoi ai, dy vendet kanë nevojë për më shumë investime të drejpërdrejta për të zbutur gjendjen ekonomike.

"Mënyra më e mirë për integrimin ekonomik në mënyra të ndryshme është shtimi i investimeve të ndërsjella. Krijimi i vendeve të reja të punës do të sjellë përfitime të drejtpërdrejta. Dy palët duhet të kuptojnë që ky është qëllimi dhe drejtimi që duhet të ecim përpara." (Fani)

Mrekulli
Lajmet Kryesore