Më 18 nëntor sipas orës vendore, kryetari i shtetit i Kinës Hu Jintao zhvilloi bisedime me kryetarin e Këshillit të Shtetit dhe kryetarin e Këshillit të Minisrave të Kubës Raul Kastro Ruz dhe i bëri një vizitë sekretarit të parë të Komitetit Qendror të Partisë Komuniste të Kubës Fidel Alejandro Kastro Ruz.

Gjatë bisedimeve me Raul Kastro Ruzin, kryetari Hu Jintao paraqiti një propozim prej katër pikash për zhvillimin e marrëdhënieve të dy vendeve, për forcimin e marrëdhënieve politike, thellimin e shkëmbimeve ekonomiko-tregtare, zgjerimin e shkëmbimeve humanitare dhe forcimin e bashkërendimit në çështjet shumëpalëshe. Raul Kastro Ruz shprehu dëshirën e tij për vazhdimin e thellimit të bashkëpunimit në fusha të ndryshme. Njëkohësisht, ai falënderoi për dhënien e materialeve dhe të fondeve të dërguara me aeroplanin e posaçëm të kryetarit Hu Jintao. Pas bisedimeve, liderët e dy vendeve morën pjesë në ceremoninë e nënshkrimit të 5 marrëveshjeve në fushat ekonomiko-tregtare, arsimore etj. (Çang Çuo) (Artan)