Më 13 shtator, në garën finale të qitjes me shigjetë si individ për femra në Lojërat Paralimpike të Pekinit, Gizem Girismen fitoi medaljen e parë të artë për Turqinë në këtë edicion të Lojërave Paralimpike dhe u bë sportistja e parë turke që fiton medaljen e artë paralimpike.

Kur qëndronte në podiumin e dhënies së medaljeve paralimpike të qitjes me shigjetë, Gizem Girismeni qau me lot emocionues. Ajo tha në një intervistë: "U ndjeva shumë krenare për këtë medalje. Ajo është jo vetëm për mua, por edhe për atdheun tim.

Gizem Girismeni, që ka lindur në vitin 1981, kishte një fëmijëri të gëzueshme si të tjerët. Por kur ishte në moshën 11-vjeçare, një aksident i papritur i përplasjes së makinave ia ndryshoi jetën. Ajo është e detyruar të qëndrojë gjithmonë në karrocë invalidi. Në vitin e 3-të pas këtij aksidenti, babai i saj vdiq. Por ajo nuk u mposht nga fati i keq.

Në vitin 2004, ajo filloi të merret me disiplinën e qitjes me shigjetë dhe e dashuroi atë thellësisht. Çdo javë, ajo duhet të bëjë stërvitje të paktën 18 orë në kohën e lirë të saj. Kjo stërvitje është një proces shumë i vështirë për këtë vajzë invalide. Por ajo nuk ka menduar asnjëherë të heqë dorë.