Ajo ka lindur në një qytet të vogël të Detit të Zi. Kur ishte foshnjë, për shkak të sëmundjes asaj u detyruan t'ia pritnin këmbët poshtë gjunjëve, por ajo nuk hoqi dorë nga dashuria për jetën. Në vitin 2007, ajo hapi qendrën e parë sportive shëndetësore për njerëzit me aftësi të kufizuara fizike, që tërhoqi shumë prej këtyre njerëzve nga krahinat e ndryshme të Bullgarisë. Ajo është kampionia botërore Stela Eneva.

Në vitin 2001, kur Eneva shijoi për herë të parë shpirtin e konkurrimit të sportistëve me aftësi të kufizuara fizike në gara, ajo u prek. Nga kjo kohë, ajo filloi jetën e saj sportive.

Në vitin 2002 ajo mori pjesë në Kampionatin e 3-të Botëror të Njerëzve me Aftësi të Kufizuara Fizike që u organizua në qytetin Lilë të Francës. Megjithëse nuk fitoi medalje, kjo përvojë ia ndryshoi jetën. Asaj i lindi dëshira që të hapë qendrën e parë sportive shëndetësore për njerëzit me aftësi të kufizuara fizike në Bullgari.

Në vitet e ardhshme, Eneva arriti shumë rezultate të mira në veprimtaritë e rëndësishme sportive brenda ose jashtë vendit. Ajo fitoi shumë herë titujt kampione botërore në kampionatet e njerëzve me aftësi të kufizuara fizike, duke shënuar vazhdimisht rekorde të reja në hedhjen e gjyles dhe hedhjen e diskut. Por dëshira e saj është që më shumë njerëz me aftësi të kufizuara fizike të merren me sport dhe ta dashurojnë sportin.

Në vitin 2007 ajo hapi qendrën e parë sportive shëndetësore për njerëzit me aftësi të kufizuara fizike në Bullgari. Çdo ditë Eneva është e zënë, por ajo është shumë e gëzuar, sepse ka parë që më shumë njerëz me aftësi të kufizuara fizike mund të bien në kontakt me sportin. (Çang Çuo) (Artan)