Pas hapjes së Lojërave Paralimpike të Pekinit, shumë funksionarë të vendeve të ndryshme dhe miq të huaj i vlerësuan lart këto Lojëra, duke u shprehur se ato kanë arritur të njëjtin sukses me Lojërat Olimpike të Pekinit.

Më 12 shtator në Bruksel, komisionari i BE-së për arsimin, përgatitjen, kulturën dhe shumëllojshmërinë e gjuhëve Jan Figel tha në një intervistë të posaçme për një gazetar kinez se Lojërat Paralimpike të Pekinit tregojnë shpirtin e humanizmit dhe bashkimin shoqëror. Ai vlerësoi lart punët e organizimit të Lojërave Paralimpike të Pekinit.

Në takimin me ambasadorin e Kinës në Turqi Sun Guoxiang, që do të lërë së shpejti këtë detyrë, ministri i Jashtëm i Turqisë Babaçan uroi Pekinin për organizimin me sukses të Lojërave Paralimpike me nivel të lartë dhe shprehu mendimin se edhe Lojërat Paralimpike janë shumë të suksesshme.

Shumë miq çekë vlerësuan lart Olimpiadën e Pekinit, njëkohësisht ata u kushtojnë vëmendje Lojërave Paralimpike që po zhvillohen. Petr Skala nga një universitet çek tha se shfaqja e ceremonisë së hapjes së Lojërave Paralimpike të Pekinit ishte shumë tërheqëse. (Çang Çuo) (Artan)