Më 27 gusht, kryetari i shtetit i Kinës Hu Jintao, që ndodhet në Taxhikistan për një vizitë shtetërore, zhvilloi në kryeqytetin e vendit Dushanbe takime të veçanta me presidentin e Taxhikistanit Rakhmon dhe presidentin e Rusisë Medvedev.

Gjatë takimit me Rakhmonin, Hu Jintao vuri në dukje se pala kineze dëshiron të nxitë së bashku me palën taxhikistanase zhvillimin e mëtejshëm të marrëdhënieve midis të dy vendeve. Rakhmoni u shpreh se Taxhikistani i kushton rëndësi bashkëpunimit me palën kineze në kornizën e Organizatës së Bashkëpunimit të Shangait. Të dy palët do të goditin së bashku "3 forcat" e krimet lidhur me drogën dhe do të forcojnë bashkëpunimin në çështjet e OKB-së.

Në takimin me presidentin rus Medvedev, Hu Jintao vuri në dukje se marrëdhëniet e parneritetit strategjik midis Kinës dhe Rusisë po ruajnë prirjen e mirë të zhvillimit. Medvedevi tha nga ana e tij se zhvillimi i bashkëpunimit konkret me Kinën është drejtimi i rëndësishëm i bashkëpunimit të jashtëm të Rusisë. Të dyja palët u shprehën se do të forcojnë koordinimin e bashkëpunimin në kornizën e Organizatës së Bashkëpunimit të Shangait.

Po më 27 gusht, Hu Jintao zhvilloi takime të veçanta edhe me kryeministrin e Taxhikistanit Akilov, kryetarin e Dhomës së Lartë të Parlamentit të Taxhikistanit Ubaiduloev dhe kryetarin e Dhomës së Ulët Khairulloyev. (Çang Çuo) (Artan)