Me ftesën e presidentit të Koresë së Jugut Lee Myung Bak, më 25 gusht në mesditë, kryetari i shtetit i Kinës Hu Jintao mbërriti me aeroplan të posaçëm në Seul, duke filluar vizitën e tij shtetërore në Korenë e Jugut. Kjo është vizita e parë jashtë vendit e liderit kinez pas mbylljes së Olimpiadës së Pekinit.

Koreja e Jugut është ndalesa e parë e këtij turneu të Hu Jintaos. Pas vizitës në Korenë e Jugut më 26 gusht, Hu Jintao do të shkojë edhe në Taxhikistan dhe Kirgizistan për vizitë shtetërore dhe për të marrë pjesë në sesionin e 8-të të Këshillit të presidentëve të vendeve anëtare të Organizatës së Bashkëpunimit të Shangait, që do të mbahet në Taxhikistan. (Wang Lei)