Sipas njoftimeve të Agjencisë kineze të Lajmeve Hsinhua, më 17 prill, presidenti maqedonas Crvenkovski u shpreh se Maqedonia dëshiron të bëjë disa lëshime ndaj Greqisë në problemin e emrit të shtetit, për të realizuar sa më shpejt qëllimin e pjesëmarrjes së saj në NATO.

Pas takimit me presidentin gjerman Horst Koehler, që ndodhej për vizitë në Maqedoni, Crvenkovski tha në një konferencë shtypi se Maqedonia do të veprojë kështu për hir të perspektivës së saj, por ajo nuk do të bëjë gjithmonë lëshime dhe nuk do të dëgjojë të tjerët

Në fillim të prillit, në samitin e NATO-s që u organizua në kryeqytetin e Rumanisë Bukuresht, Greqia kundërshtoi dhënien e ftesës Maqedonisë për të hyrë në Aleancë. Greqia është e mendimit se emri shtetëror i Maqedonisë është aluzion që Maqedonia ka pretendime territoriale për provincën e Maqedonisë të Greqisë veriore. (Çang Çuo) (Artan)