Më 14 prill u hap në Sofje konferenca e 7-të e kryetarëve të parlamenteve të vendeve anëtare të Procesit të Bashkëpunimit të Evropës Juglindore, e cila do të zgjatë 2 ditë.

Kryeministri bullgar Sergey Stanishev mbajti një fjalim në ceremoninë e hapjes, ku tha se Bullgaria përkrah të gjitha vendet e Ballkanit të hyjnë në NATO dhe BE.

Në këtë konferencë u nënshkrua memorandumi i mirëkuptimit mbi bashkëpunimin midis parlamenteve të Evropës Juglindore, për të nxitur shkëmbimin e informacioneve ndërmjet organeve legjislative të vendeve anëtare të kësaj organizate, veçanërisht të vendeve që synojnë pjesëmarrjen në BE.

Organizata e Procesit të Bashkëpunimit të Evropës Juglindore u krijua në vitin 1996 në Sofje. Krijimi i saj synon për të forcuar bashkëpunimin midis vendeve ballkanike. Vendet anëtare të kësaj organizate janë Bullgaria, Shqipëria, Greqia, Rumania, Serbia, Mali i Zi dhe Turqia. (Shy Guan) (Artan)