Kimi Raikonen ka fituar Çmimin e Madh të Malajzisë, duke iu afruar vetëm 3 pikë larg kryesuesit të Botërorit Ljuis Hamilton. Piloti finlandez i Ferrarit ka zhvilluar një garë perfekte, duke prerë finishin përpara pilotit të BMV-së Robert Kubika. E ndërsa Raikonen ka festuar fitoren e parë sezonale, braziliani i kokëkuqes Felipe Masa është tërhequr nga gara kur duheshin edhe 26 xhiro nga fundi. Një gabim në kthesë i ka kushtoi shumë Masës, që humbi kontrollin e makinës për shkak të shpejtësisë. Ndërkohë Kubika ka përfunduar i dyti dhe pas tij Kovalainen. Vendi i katërt për Jarno Trulin, që la mbrapa Ljuis Hamilton.

Marrë nga Balkanweb