Sipas njoftimeve të Radios së Jashtme të Kinës, më 17 mars në mengjes, ndodhi në qytetin e Mitrovicës së Kosovës veriore një konflikt midis policëve paqeruajtës të OKB-së dhe serbëve të Kosovës dhe si pasojë, u plagosën 8 ushtarë francezë të NATO-së, 13 policë të OKB-së dhe mbi 50 serbë.

Sipas njoftimeve të mediave vendase, në këtë konflikt, u burgosën 32 serbë, por po atë ditë në orën 4 të pasditës ata u liruan.

Më 17 mars, presidenti i Serbisë Boris Tadic bëri një deklaratë, ku u bëri thirrje policëve paqeruajtës të OKB-së dhe reparteve paqeruajtëse të NATO-së të mos përdorin armë kundër aktiviteteve poroteste të serbëve të Kosovës. Në të njëjtën kohë, ai i bëri thirrje liderit të serbëve të Kosovës të qetësojë me përpjekje gjendjen në Mitrovica.

Po më 17 mars, sekretari i përgjithshëm i OKB-së Ban Ki Moon bëri një deklaratë për të dënuar këtë incident të dhunës dhe për të nxitur banorët vendas të mbajnë gjakftohtësi.

Kryetari i radhës i këtij muaji i Këshillit të Sigurimit dhe përfaqesuesi i përhershëm i Rusisë në OKB Vitali Curkin u bëri thirrje personave paqeruajtës ndërkombëtarë të mbajnë qendrimin e matur gjatë kontakteve me serbët e Kosovës. (Du)