Sipas Radios së Jashtme të Kinës, më 13 mars, presidenti i Serbisë Boris Tadiç e shpërndau parlamentin e Serbisë, duke bërë thirrje që të zhvillohen zgjedhjet parlamentare më 11 maj.

Tadiçi tha në një deklaratë të publikuar atë ditë se ai dëshiron që serbët të vendosin drejtimin e zhvillimit të ardhshëm të Serbisë me një mënyrë demokratike, si psh. zgjedhjet parlamentare.

Më 8 mars, Koshtunica hoqi dorë nga posti i tij, duke propozuar që të zhvillohen para kohe zgjedhjet parlamentare. Ai u shpreh se qeveria serbe nuk mund të funksionojë normalisht për shkak të divergjencës brenda aleancës së pushtetit mbi pavarësinë e Kosovës dhe mbi marrëdhëniet e Serbisë me BE-në. (Jiang Lei)