Korrespondentja e Radios së Jashtme të Kinës njoftoi se më 4 mars, Ministria e Punëve të Jashtme e Serbisë u dërgoi përkatësisht nota qeverive të Suedisë dhe të Holandës, në të cilat thuhet se do të thërrasë në vend ambasadorët e saj për të protestuar ndaj njohjes së pavarësisë së Kosovës nga këto dy vende.

Ministria e Punëve të Jashtme e Serbisë bëri një deklaratë, në të cilën thuhet se sipas "planit të veprimeve" të miratuar nga qeveria serbe pas shpalljes së njëanshme të pavarësisë së Kosovës, ministri i Jashtëm serb Jeremiç kërkoi më 4 mars që ambasadorët e Serbisë në Suedi dhe Holandë të kthehen në Serbi.

Në deklaratë thuhet se të dy ambasadorët duhet të largohen nga Suedia dhe Holanda brenda 48 orëve pas dërgimit të notave të protestës dhe të kthehen në atdhe për të diskutuar veprimet e ardhshme. (Çang Çuo) (Artan)