Liu Jianchao u shpreh se zgjidhja e problemit të Kosovës ka të bëjë me paqen e stabilitetin e rajonit të Ballkanit, kriterin bazë të marrëdhënieve ndërkombëtare si dhe autoritetin e rolin e Këshillit të Sigurimit. Kina ka qenë e mendimit se rruga më e mirë për zgjidhjen e problemit të Kosovës është arritja e një projekti të pranuar nga të dyja palët serbe dhe kosovare, në bazë të bisedimeve.

Liu Jianchao u shpreh se veprimi i njëanshëm i palës kosovare ka mundësi të shkaktojë një sërë pasojash, që do të ushtrojnë ndikim të rëndë negativ mbi paqen e stabilitetin e Ballkanit dhe mbi realizimin e një shoqërie shumëkombëshe në Kosovë. Për këtë pala kineze shpreh shqetësim të madh.

Liu Jianchao u shpreh se Kina u bën thirrje palëve serbe e kosovare të vazhdojnë të kërkojnë rrugëzgjidhjen e dhuhur nëpërmjet bisedimeve dhe brenda kornizës së normave ndërkombëtare, që të mbrojnë së bashku sigurinë e stabilitetin e Ballkanit. Për këtë, komuniteti ndërkombëtar duhet të krijojë aktivisht kushtet përkatëse. (Wang Lei)