Sipas njoftimeve të Radios së Jashtme të Kinës, me kundështimin e Qipros, konferenca e ministrave të jashtëm të BE-së, që u organizua më 10 dhjetor në Bruksel, nuk arriti unanimitet mendimesh lidhur me problemin e përkrahjes së shpalljes së njëanshme të pavarësisë së Kosovës. Po më 10 dhjetor, ministri i jashtëm i Rusisë Sergei Lavrov u shpreh se Rusia kundërshtoi shpalljen e njëanshme të pavarësisë së Kosovës.

Zëdhënësi i qeverisë së Qipros tha se Qiproja kundërshton pavarësinë e Kosovës. Problemi i Kosovës duhet të zgjidhet në bazë të normave ndërkombëtare dhe të rezolutave përkatëse të Këshillit të Sigurimit të OKB-së. Pjesa më e madhe e vendeve anëtare mendojnë se mund të njohin pavarësinë e Kosovës në rrethanat kur ajo bashkëpunon me komunitetin ndërkombëtar.

Më 10 dhjetor, ministri i jashtëm i Rusisë Lavrov u shpreh në Qipro se Rusia kundërshton shpalljen e njëanshme të pavarësisë së Kosovës dhe se përkrahja e disa vendeve për pavarësinë e Kosovës shkel drejtësinë ndërkombëtare. Po më 10 dhjetor, përfaqësuesi i bisedimeve i Rusisë për problemin e Kosovës u shpreh se nëse kombësia shqiptare e Kosovës shpall njëansisht pavarësinë e Kosovës, pala ruse do ta konsiderojë të paligjshme.

Më 10 dhjetor, kryeministri i Serbisë Vojislav Kostunica tha në Beogradë se nëse do të njihet pavarësia e Kosovës, do të shkelet ligji ndërkombëtar dhe Karta e OKB-së. Ai u shpreh se metodat që duhen kërkuar për zgjidhjen e problemit nëpërmjet bisedimeve, duhet të përputhet me Kartën e OKB-së dhe kushtetutëin e Serbisë.

Por zëdhënësi i Departamentit amerikan të shtetit Gonzo Gallegos bëri një deklaratë, në të cilën thuhet se SHBA-ja do të vazhdojë bashkëpunimin e ngushtë me vendet aleate për të nxitur zgjidhjen e problemit të pavarësisë së Kosovës. (Çang Çuo)