Sipas njoftimeve të Radios së Jashtme të Kinës, më 4 dhjetor në Sarajevo, kryeministri i qeverisë përkujdestare të Bosnjës dhe Hercegovinës Nikola Spiric dhe komisioneri i BE-së për çështjet e zgjerimit Olli Rehn nënshkruan në mënyrë fillestare 'Marrëveshjen e Stabilizimit dhe Asocimit', gjë që ka çuar Bosnjë-Hercegovinën një hap përpar në rrugën e anëtarësimit në BE.

Rehn u shpreh se për shkak se liderët e partive kryesore të Bosnjës dhe Hercegovinës ranë dakord për realizimin e reformës së sistemit policor, BE-ja dhe Bosnjë-Hercegovina vendosën të nënshkrojnë në mënyrë fillestare 'Marrëveshjen e Stabilizimit dhe Asocimit', por nënshkrimi zyrtar i kësaj marrëveshjeje do të përcaktohet vetëm kur liderët e Federatës së Bosnjë e Hercegovinës dhe të Republikës së Serbëve të zhvillojnë më shumë reforma për të vërtetuar që ata kanë aftësi të bashkëpunojnë në mënyrë aktive për nxitjen e zhvillimit të shëndetshëm të Bosnjës dhe Hercegovinës. (Jiang Lei)