Siç mësohet, afro 1100 ushtarakë nga 25 vende morën pjesë në këto manovra të titulluara "Harku i gjatë bashkëpunues", qëllimi i të cilave është për të forcuar koordinimin e aftësinë e vendeve pjesëmarrëse në përballimin e incidenteve urgjente dhe në ruajtjen e paqes.

Lidhur me to, ministri i Mbrojtjes i Shqipërisë Fatmir Mediu shprehu dëshirën që nëpërmjet zhvillimit të manovrave të ngrihet më tej niveli i trajnimit të ushtrisë shqiptare, që ka rëndësi shumë të madhe për një vend që po pret të hyjë në NATO. Shqipëria dëshiron që të marrë vitin e ardhshëm ftesën për pranimin e saj në këtë organizatë.

Sipas një deklarate të publikuar nga NATO-ja, përveç vendeve të partneritetit të paqes të kësaj organizate, edhe Zvicra e Izraeli kanë dërguar ushtarakë për të marrë pjesë në manovrat e kësaj here.(Çan Yean)