Pala serbe bëri të ditur më 23 shtator se do të paraqesë një propozim të pranueshëm nga pjesëmarrësit e ndryshëm në bisedimet mbi statusin përfundimtar të Kosovës, që do të zhvillohen më 28 shtator në Nju Jork. Në këtë propozim do të pranohet "pavarësia e brendshme e Kosovës".

Anëtari i delegacionit të Serbisë në këto bisedime Goran Bogdanoviç i tha gazetarit se vendi i tij ka marrë në konsideratë interesat e palëve përkatëse. Ai tha se Serbia mori vendim t'i japë Kosovës të drejta të plota për realizimin e vetëqeverisjes së lartë të banorëve shqiptarë në Kosovë, që zënë 90% të popullësisë së atjeshme.

Bogdanoviçi u shpreh gjithashtu se ky propozim jo vetëm mund të sigurojë tërësinë territoriale e sovranitetin e Serbisë, por edhe do t'i sjellë mbarë rajonit paqe e qëndrueshmëri, të cilat janë rezultatet që komuniteti ndërkombëtar dëshiron të shohë.(Çan Yean)