Kryetari i Komisionit Evropian Jose Manuel Barroso u shpreh më 12 shtator në Bruksel se Bashkimi Evropian inkurajon palët përkatëse të mbajnë qëndrim më të shkathët mbi caktimin e statusit përfundimtar të Kosovës. Ai është i bindur se gjatë disa muajve të ardhshëm, është e mundshme të arrihet rezultat konkret mbi këtë problem.

Në një konferencë shtypi të organizuar pas takimit me kryeministrin serb Vojislav Koshtunica, Barroso i nxiti Serbinë e Kosovën të marrin pjesë në mënyrë konstruktive në raundin e ri të bisedimeve të zhvilluar nga SHBA-ja, Rusia dhe Bashkimi Evropian.

Ai theksoi gjithashtu se problemi mund të zgjidhet vetëm nëpërmjet dialogut politik. SHBA-ja, Rusia dhe Bashkimi Evropian po zhvillojnë bashkëpunim të ngushtë për nxitjen e zgjidhjes sa më parë të statusit të ardhshëm përfundimtar të Kosovës.(Çan Yean)