Agjencia kineze e Lajmeve Hsinhua njoftoi se më 3 shtator presidenti i Rumanisë Basesku theksoi se Rumania i përmbahet akoma qëndrimit të mëparshëm në problemin e Kosovës dhe përkrah tërësinë territoriale dhe pavarësinë sovrane të Serbisë.

Basesku i tha këto kur priti ambasadorët e Rumanisë në vende të tjera, që u kthyen në atdhe për të marrë pjesë në një mbledhje të titullarëve dhe funksionarëve diplomatikë. Ai tha se Serbia është një vend i pavarur sovran dhe tërësia e saj territoriale nuk mund të dëmtohet. Ai theksoi se pavarësia e Kosovës nuk ka asnjë mbështetje ligjore dhe askush nuk mund të shkelë lehtë normat e drejtësisë ndërkombëtarë.

Analistët janë të mendimit se, si një vend anëtar që sapo u pranua në BE-në, Rumania mban një qëndrim të ndryshëm me shumë vende të tjera anëtare të Bashkimit Evropian për arsye se ajo shqetësohet se mos pavarësia e Kosovës mund të shkaktojë një seri reagimesh në zonën Transylavania të Rumanisë, që është banuar nga kombësia hungareze . (Vera)