Sipas njoftimeve të Radios së Jashtme të Kinës, Komisioni Evropian bëri të ditur më 26 gusht se nëpërmjet "Mekanizmit të Mbrojtjes Civile", shumë vende evropiane kanë dërguar dhe do të dërgojnë në Greqi persona e pajisje për ta ndihmuar këtë vend të shuajë zjarret e rëna në pyjet e tij.

Kjo është ndihma me përmasën më të madhe e dhënë nga ky organ për ndonjë vend pas krijimit të tij në vitin 2001.

Siç mësohet, më 25 gusht pasdite, pesë aeroplanë dhe zjarrfikës nga Franca dhe Italia mbërritën në Greqi dhe morën pjesë në punën përkatëse. Ndërkohë, edhe10 aeroplanë e helikopterë të ofruar nga Spanja, Portugalia, Gjermania, Holanda, Sllovenia dhe Norvegjia do të marrin pjesë në shuarjen e zjarreve. Përveç këtyre, Austria, Suedia si dhe vende të tjera kanë premtuar t'i japin Greqisë pajisje zjarrfikëse.(Çan Yean)