Korrespondenti i Radios së Jashtme të Kinës njoftoi se më 16 gusht u mbajt në kryeqytetin e Kirgizistanit Bishkek mbledhja e 7-të e këshillit të liderëve të vendeve anëtare të Organizatës së Bashkëpunimit të Shangait. Në këtë mbledhje morën pjesë kryetari i shtetit i Kinës Hu Jintao, presidenti i Kirgizistanit Kurmanbek Bakiyev, presidenti i Kazakistanit Nursultan Nazarbayev, presidenti i Rusisë Vladimir Putin, presidenti i Taxhikistanit Emomali Rakhmon dhe presidenti i Uzbekistanit Islam Karimov.

Mbledhjen e drejtoi presidenti i vendit kryetar të kësaj organizate, Kirgizistanit, Bakiyev. Gjithashtu, në mbledhje ishin të pranishëm edhe presidentët e vendeve vëzhguese të kësaj organizate, Mongolisë dhe Iranit, ministri i Jashtëm i Pakistanit, ministri i Naftës dhe i Gazit Natyror i Indisë, presidenti i Afganistanit, presidenti i Turkmenistanit, si dhe zv.sekretari i përgjithshëm i OKB-së Lynn Pascoe. (Yuan Xin)