Më 10 korrik, në Bruksel, sekretari i përgjithshëm i OKB-së Ban Ki-moon paralajmëroi palët përkatëse të mos ndërmarrin "veprime të njëanshme të papjekura" në problemin e statusit final të Kosovës. Përndryshe, problemi do të ndërlikohet më shumë.

Po këtë ditë, në një konferencë shtypi pas takimit me përfaqësuesin e lartë të BE-së Javier Solana, Ban Ki-moon nxiti komunitetin ndërkombëtar të ndërmarrë sa më shpejt veprime për problemin e Kosovës. Ai tha se zvarritja ose shtyrja e afatit nuk favorizon zgjidhjen e problemit të Kosovës, nuk favorizon edhe unitetin e BE-së.

Solona u shpreh se ai shpreson që autoritetet e Kosovës të rifillojnë bisedime me Serbinë.

Më 10 korrik, Presidenti i Serbisë Boris Tadic u shpreh në Beograd se nëse Kosova shpall pavarësi, kjo do të sjellë destablitet jo vetëm në rajonin e Ballkanit, por edhe në rajone të tjera të botës.

Më 10 korrik, kryeministri i Serbisë Vojislav Koshtunica zhvilloi një takim me ndihmësin e sekretarit amerikan të shtetit Daniel Fried. Koshtunica u shpreh se projekti i pavarësisë së Kosovës është shumë i rrezikshëm. Fried ritheksoi qëndrimin e SHBA-së që të përkrahë pavarësinë e Kosovës nën kontrollin e komunitetit ndërkombëtar. (Shy Guan)