Në rezolutën mbi problemin e Ballkanit perëndimor, pjesëmarrësit e mbledhjes u shprehën të kënaqur për vendimin e Bashkimit Evropian për nisjen e bisedimeve me Shqipërinë, Boshnjë-Hercegovinën, Maqedoninë, Malin e Zi dhe Serbinë lidhur me thjeshtimin e procedurave të dhënies së vizave dhe me goditjen e emigrimit të paligjshëm të popullsisë. Ata shprehën mendimin se nënshkrimi përfundimtar i këtyre marrëveshjeve do të forcojë shumë lidhjet dhe shkëmbimet midis Bashkimit Evropian dhe popujve të vendeve të Ballkanit Perëndimor.

Për sa i përket problemit të Kosovës, Bashkimi Evropian përkrah përpjekjet e të dërguarit të posaçëm të OKB-së Marti Ahtisari dhe u bën thirrje palëve përkatëse që të përpiqen për të gjetur sa më parë zgjidhjen e statusit përfundimtar të Kosovës. (Çan Yean)