Sipas njoftimeve të Agjencisë Kineze të Lajmeve Hsinhua, më 13 qershor, në një konferencë shtypi, presidenti i Ukrainës Viktor Yushchenko tha se zhvillimi para kohe i zgjedhjeve parlamentare më 30 shtator është një vendim i pakthyeshëm.

Yushchenko tha pasi deputetët opozitarë deklaruan tërheqjen nga parlamenti, tani numri i përgjithshëm i deputetëve nuk arrin dy e tretat të numrit të kërkuar nga ligji. Vazhdimi i funksionimit të parlamentit është i paligjshëm.

Më 2 qershor, 169 deputetë opozitarë u tërhoqën nga parlamenti. Më 5 qershor, Yushchenko nënshkroi një dekret ku kërkohet të zhvillohen zgjedhjet e parakohshme parlamentare më 30 shtator.

Parlamenti i Ukrainës ka 450 vende. Sipas kushtetutës, nëse numri i parlamentarëve nuk arrin në dy të tretat, parlamenti shpërndahet. (Shy Guan)