Më 7 qershor, kryeministri i Serbisë Vojislav Koshtunica shprehu mirëpritjen për vendimin e Bashkimit Evropian që të rifillojë bisedimet me Serbinë për Marrëveshjen e Stabilizimit dhe të Asociimit. Ai ishte i mendimit se kjo do të forcojë marrëdhëniet miqësore ndërmjet Serbisë dhe Bashkimit Evropian.

Sipas agjencisë zyrtare të lajmeve të Serbisë, Koshtunica tha se vendimi i BE-së është një progres pozitiv. Qeveria e Serbisë do t'i dorëzojë sa më shpejt gjykatës ndërkombëtare të gjithë të dyshuarit për krime lufte në ish-Jugosllavi.

Po këtë ditë më parë, kryetari i Komisionit të Bashkimit Evropian Durao Barroso deklaroi që për shkak të përmirësimit të bashkëpunimit ndërmjet Serbisë dhe Bashkimit Evropian, Bashkimi Evropian vendosi që të rifillojë bisedimet me Serbinë për Marrëveshjen e Stabilizimit dhe të Asociimit më 13 qershor.

Nënshkrimi i kësaj marrëveshjeje konsiderohet si hapi i parë i hyrjes në BE për vendet e Ballkanit perëndimor. (Shy Guan)